【點新聞報道】藝人陳松伶（松松）今日（22日）到新城電台接受訪問，適逢昨日（21日）是松松的生日，新城特別送上蛋糕和鮮花為松松慶生，令她開心又感動。松松更許下生日願望：「希望我身邊的人健健康康，永遠陪着我一起。」
問松松的老公張鐸可有和她慶祝生日？雖然嫌棄老公的生日祝福「行貨」，但松松提起老公就一臉冧爆：「佢身處一個落雪紛飛的地方，但佢拍咗條好『行』的生日祝福片畀我，我睇完問佢究竟係send畀你老婆定準備發post呢？佢係一個好discipline、好strict的人，講嘅嘢好『老幹部』。」
與此同時，松松正全心投入2月28日在香港灣仔伊館舉行的《陳松伶演唱會—香港》。距離演唱會只剩一個月，松松坦言團隊非常緊張，她本人亦承受巨大壓力，她表示：「我近排經常都發噩夢，成日夢到好似件衫冇扣好就上台，或者跳錯舞步，呢啲都係我好怕嘅事。」由於久未在香港開個唱，松松預告這次演出將為觀眾帶來驚喜，形容是「耳目一新」，她強調即使重溫舊歌，也會以不同的方式呈現，「雖然係舊歌重溫，但都有好多我哋以前嘅一啲回憶，呢啲回憶好溫暖，係屬於我哋嘅。」
問松松會否邀請圈中好友上台？她笑言：「佢哋唔介意嘅話，我會隨時拉一個上台。」但前提是朋友們必須化好妝。她又感性表示：「每個人都想，因為都差唔多合作咗40年，如果佢哋可以參與到，我已經好心滿意足了。」
（點新聞特約記者陳惠芳報道）
收藏
取消收藏
分享
