【點新聞報道】「路不拾遺」是傳統美德，近日有港人執到他人遺失的手提袋後，主動幫忙守護並替手機充電，一直默默等失主電話，及後與對方取得聯絡時獲承諾酬謝3000元，然而最後不但一蚊都收唔到，更被即時封鎖，形容當下的心情是「黑人問號」。
該名港人在社交平台threads發文憶述事發經過，指日前執到一個手提袋，便主動幫失主守護並替手機充電，等待聯絡，「尋晚執到個袋，幫佢守護咗成晚，手機叉埋電，默默等佢電話」。直至翌日與對方取得聯繫，並獲承諾酬謝3000元，「直至今朝瞓醒收到呢條msg（訊息）——俾返啲嘢我我俾$3000你，please」，然後雙方約定在樓主家樓下進行交收。
不過，失主前來領取手提袋時，並未有履行承諾支付3000元酬金。樓主表示，「一蚊都冇比我（錢唔係重點，我冇諗過要）」，更甚是失主在取回手提袋後立即封鎖樓主，這令他滿頭「黑人問號」，直指「世界之大 無奇不有」。
樓主認為做好事不必計較，「守護好香港人精神，跌嘢都係安全無需擔心的，但阿囡禮貌上可以加強下，都開心2026第一日就可以做好事」。
帖文引來網民熱議，紛紛留言安慰樓主「你嘅善意同耐性真係好難得，完全體現咗香港人互相守護嘅精神，遇到咁騎呢嘅人，真係有少少無奈，但係咁先顯得你嘅善良更加珍貴」、「你是好人！好人一世平安、「你真係好好！善良正直唔貪心，香港感恩有你」。
收藏
取消收藏
分享
