【點新聞報道】「大寒」過後，本港天氣仍然寒冷，寒冷天氣警告持續生效，不少市民都穿了衣服禦寒。不過，一名近日返港的移英港男就大唱反調，話香港同英國比較一啲都唔凍，「呢幾日我返咗香港短衫加件褸，完全唔覺得凍」，結果引來大班網民激辯。
該名移英港男在社交平台threads發引戰帖，話「一班成日話香港好凍，又話世一，又話濕凍，香港濕度得50% 何來濕凍？」。他更貼出一張倫敦的天氣圖表，顯示當地「大致天晴，最高2°最低低-5」，然後挑機話「英國濕度經常8-90%又大風，仲要零下幾度叫乜嘢，根本好多人冇喺外國生活過，喺歐洲係會凍到手指、鼻、同耳仔痛，香港冇乜可能會咁」。樓主直指完全唔覺得凍，「呢幾日我返咗香港短衫加件褸」。
不過，有網民就留言話外國人都話香港好凍，「我英國來的colleagues 話香港凍過London， 點解？因為是海島，西北風吹到你頭nut（甩）」。樓主反駁「倫敦大部份時候都大風過香港，除咗室內，唔明佢點解會覺得香港凍啲」，又指「我陪個仔去Tennis/Football Training 企喺outdoor 個幾兩個鐘㗎，凍到難以形容。啲Coach直頭準備啲棉胎俾啲家長冚。
有支持樓主看法的網民則認為，「我住英國都唔敢話好凍，人地加拿大嗰啲都未出聲，香港凍係因為室內都冇保暖設備，同埋香港人熱慣，體感就覺得好凍」、「香港要連續三幾日低過十五度先可以叫凍，而家嗌凍嗰班人多數體虛，話濕凍嗰班直頭腦殘，睇完笑咗就算，唔使咁認真」、「講真，發覺香港好多人少少凍就著哂羽絨，真係好跨張….. 」。
不過，亦有網民覺得無謂拗，「真心好Ｘon9，好似凍啲就贏咗」、「其實人哋覺得凍咪凍熱咪熱囉，怕凍定怕熱都冇標準㗎啦 唔明點解要比賽？咁樣真係好戇Ｘ 」、「凍都要攞優越感 」、「地理氣候都唔同，都唔知比乜9 」、「成班on9連凍唔凍都要鬥，鬥埋紫外線指數呀笨」。
收藏
取消收藏
分享
