【點新聞報道】餐廳廚房衞生環境不似預期，有女生近日經過旺角一間餐廳後巷廚房時，發現員工竟將劏好的魚放在地板上，用水喉沖洗，於是拍片放上網公審。
該名女生在fb群組「香港交通及突發事故報料區」上載影片，並留言表示「加味了」。從影片可見，她經過旺角一間餐廳後巷時，發現廚房門大開，一名員工將已劏好的魚塊放置在地板上，然後用水喉進行沖洗。惟後巷的衞生環境非常惡劣，廚房門外的渠邊有膠袋、紙盒、鐵罐等垃圾。
帖文引起網民熱議，有人批評廚房的處理手法，「使唔使放地下沖洗呀」、「桶都懶放」、「恐怖，用個碟盆都可以一樣去清潔」、「唔怪得食物咁好食。加咗咁多細菌落去」、「好嘔心...以後都唔敢食」、「等執！」。
然而，更多網民則認為大驚小怪，「食肆大多數都是一樣，眼睇唔到為之乾淨，見慣不怪！」、「好多都係咁，俾人影到佢唔好彩」、「肯咁沖洗已經好好，之後怕咗唔再洗」、「有洗已經好好」、「證明不是預製菜」。
有網民更這是餐飲業的常見做法，「所以你平時凈係識得食，未入過廚房做嘢？我話畀你知世界上有九成係咁樣處理」、「唔係你以為當年廚房重地，閒人免進。呢8個字真係為左客人安全而生出來的嗎？做過廚房就知，唔理日式美式定中式...就算麵包舖都好...都係半斤八兩差別不大⋯⋯」、「香港茶仔幾十年都係咁做，最緊要係地下乾淨，用之前又有再洗，地方細係咁做架喎」。
收藏
取消收藏
分享
