【點新聞報道】巴士上的爭執不時發生，近日網上瘋傳一段影片，指一名坐巴士上層女乘客因趕不及下車，高聲要求司機「唔好閂閘住，落緊嚟」，但司機仍關門駛離車站。女乘客未能落車後情緒激動，多次出言責罵司機，最終司機以「乘客騷擾司機」為由報警，並鎖上車門，令全車乘客一度無法離開。事件引起網民熱議，更出人意料地幾乎一面倒支持司機。
有網民在社交平台threads上載一段影片，寫道：「無啦啦被困係巴士，司機有權非法禁固成車人？」據樓主憶述，事發於1月18日傍晚，268C九巴剛駛離元朗大棠路時，一名女乘客不滿自己未能下車，開始與司機爭執，「巴士準備閂閘時, 女乘客叫唔好閂閘住落緊嚟， 但係巴士司機沒有理會，照閂閘開車，所以女乘客就同佢嘈起上嚟喇」。
樓主主指女乘客雖然生氣，不過全程沒有講粗口，只是不停重複指責司機「叫住你唔好閂閘仲閂。」然而，司機就以「乘客騷擾司機」為由，停車報警，「在元朗警署站的位置停低車，並鎖上車門，困住成車，差唔多20人，有老有嫩」。樓主指，車上有乘客司機勸說，亦有乘客指明早需要返工返學，希望司機開門讓讓無辜乘客先落車，但司機堅持唔肯開門，甚至稱「自己收兩點，大把時間」。
從樓主上載的影片可見，巴士停在元朗警署附近，司機站在車頭位置並拒絕開門。樓主帖主批評司機：「呢個司機呢，困咗成車人喺架車度，佢而家話要報警。佢話我哋呢，投訴佢喎，所以佢要報警，而家成車人都唔畀落車啊。唔緊要㗎，我同返你公司講吖。你為咗1個乘客，阻住成車人。佢只不過係話你1句，佢有無攻擊你啊？佢有無講粗口啊？」司機則回應指已報警，等警方處理。
事件擾攘約10分鐘後，直至另一名九巴司機到場才開門讓其他乘客下車。樓主不滿直斥：「好彩唔係返工返學時間，司機咁樣會唔會太過分？」。
九巴回覆傳媒查詢時表示，當晚約7時，涉事 268C 巴士上有乘客疑因錯過下車站而妨礙車長駕駛，車長基於安全理由，在青山公路—元朗段康樂路巴士站停車並報警求助，其間安排乘客暫留車上等候，其後車務督察到場協助乘客轉乘其他路線繼續行程。九巴表示，已訓示車長處理突發事件的程序，同時呼籲乘客讓車長專注駕駛，不應以任何方式影響或騷擾車長。
事件引起網民熱議，更一面倒支持司機，「按鐘先有用，嗌係多餘」、「自己要落嘅車都唔提早落嚟，跟住話個司機唔理佢閂門，真係咩人都有」、「報咗警，全部人都冇得落車係正路」、「一開門個女人就會走左去 你明點解唔落得車未」。也有網民質疑樓主的做法「將司機拍片擺上網有冇搞錯？騷擾司機嗰個你又唔影，倒果為因」。
有網民留言替涉事巴士司機還原事件始末，「今日咁啱坐到呢位司機車，佢本人表示：嗰位乘客喺大站自己唔記得咗落車，去到燈口要求司機畀佢落，唔畀落就Ｘ司機，最後司機頂唔順，埋邊報警」。
收藏
取消收藏
分享
