【點新聞報道】當初不少港人對外國充滿幻想，跟風學人移民。不過，事實係殘酷嘅。面對英國生活成本過高，言語不通，壓力大，工作機會小，種族歧視等問題結果換來周身病痛。
果名移英4年半的港女，日前在社交平台發文呻，話自己英文屎、又冇車牌，自問都不斷努力咁適應新生活及工作。點知就捱到周身病痛，表示「今年有啲嘢真係發夢都估唔到會發生係自己身上～就係我患上咗乳癌。」
癌魔來勢洶洶，對樓主造成沉重的打擊，她憶述「係自己摸到個胸有硬塊,其實我開頭都爆喊㗎，不過已經發生咗，唯有接受現實」。她更提到療程過程艱辛，「喺呢一年裏面，經歷咗化療、標靶、手術、電療，要食10年他莫西芬，嚟緊要繼續打標靶到5月。」
移英港女身心飽受煎熬，感到焦慮甚至恐懼，於是就搵同路人圍爐訴苦，「治療過程好漫長，有好多擔心，焦慮，恐懼。身體，精神，外貌上嘅不適，對於身心真係好大嘅考驗。」
帖文一出釣出不少移英病友「me too.醫病。冇工返，積蓄用盡」、「2023年頭發現生癌，仲要番緊新工」、「我移英3年半，上年發現患上三陰性乳癌，做咗化療」。
人生在世最緊要係健康，一個二個搞到病壞咁，就算有金都執唔到啦！唔講唔知，原來咁多人移民捱到患絕症嘅！佢哋吹捧嘅英國乜都好就真係見人見智喇……
收藏
取消收藏
分享
