【點新聞報道】賀歲片《金多寶》演員呂爵安（Edan）、鍾雪瑩及李尚正，今日（20日）現身銅鑼灣街頭快閃派利是活動，並同大家拜早年。期間人頭湧湧，大家爭取拎利是，Edan更率先拆利是，發現是一張六合彩電腦飛，祝大家大發新年財。而面對另一賀歲片《夜王》，Edan希望大家全部捧場。
《夜王》由黃子華同鄭秀文主演，強敵當前，Edan希望可以大家一齊睇：「香港賀歲片大家要支持，更難得仲有兩部。」但《夜王》大量女演員性感上陣，《金多寶》如何招架？鍾雪就踢爆：「Edan佢好少布㗎！」Edan更表示戲中細佬一角更會赤裸上半身。「我哋勁過對方，我哋上半身赤裸！」
活動開始前，現場早就聚集數百名爵屎（呂爵安粉絲名），Edan一出場就全街哄動，問到對電影的票房期望，Edan希望可以對得住個戲名：「金多寶都係億億聲啦！」正爺更表示票房過億的話，會穿三角褲出派福利，更強調不會打底：「如果有條三角褲，咁入面仲着咩呢？」Edan則表示票房要到三億才考慮。
（點新聞特約記者陳惠芳報道）
收藏
取消收藏
分享
