【點新聞報道】年度盛事《2025時尚之夜》昨晚（19日）於深圳灣文化廣場舉行，現場星光熠熠，雲集不少紅星，黃宗澤（Bosco）踏入新一年攞獎運勁旺，繼攞完雙料視帝後，再獲頒「年度實力男演員」，陳瀅就奪得「年度潛力演員」，吳業坤與蘇麗珊則奪得「年度新人」，各人更悉心打扮登上頒獎台。
Bosco以一襲黑色閃鑽長拖尾大褸現身紅地氈，十分吸睛。提到他今次得到「年度實力演員」獎，Bosco覺得意義重大：「因為提醒我下一部戲下一個角色，都要比之前做得更好，所以好大壓力。」
陳瀅分別以白色閃鑽高叉長裙及藍色絲絨露背晚裝亮相紅地氈及頒獎晚宴，自從陳瀅修身成功後，穿起任何款式晚裝都得心應手，對於獲頒「年度潛力演員」，陳瀅說：「可以得到呢個獎真係非常開心，對我嚟講係一個好大鼓勵，因為覺得自己一年一年逐步進步，希望自己做得更加好，今年將會播出兩套劇，兩個角色都好唔同，同我本人亦都好唔同，我用自己潛力去演好呢兩個角色，所以都好期待大家見到我努力成果。」
至於坤哥與蘇麗珊一同獲頒「年度新人」獎，由內地演員李晨頒獎給他們，坤哥坦言第一次參與內地盛大的時尚活動，而且還可以從李晨手中攞到獎，感覺好開心。蘇麗珊則說：「對我來講，我在演員這條路上永遠都是新人，不斷地學習中。」
（點新聞特約記者陳惠芳報道）
收藏
取消收藏
分享
