【點新聞報道】日前有網民目睹某火鍋放題餐廳內有食客浪費大量食物，逐放上網公審，帖文引發網上熱議。
該網民於社交平台發文發相，怒斥火鍋放題餐廳內兩名女食客浪費大量食物，「香港市道已經差，仲有d咁嘅人」。樓主指，兩名女食客落坐後拼命拿取熟食並瘋狂下單牛肉、豬肉。然後兩人又拿取大量飲料，擺滿整張枱面。從樓主上傳的相片可見，桌面上擺放着九瓶飲料、成堆疊肉片和三大碟熟食。
樓主續指，「佢哋坐低攞到成枱嘢，但係食雪條先！之後應該食唔晒，放晒係枱或放入煲就鬆人」。餐廳職員亦向樓主透露，這兩名食客「晚晚幫襯」，並且「攞到成枱嘢，但食唔晒放晒入煲就算」。職員曾嘗試勸阻，卻反遭兩人向總公司投訴。
樓主感慨「難為世界上好多人無得食......俾個$120都唔好咁浪費食物呀！等因果報應，下世佢哋無得食」，不過樓主亦無奈表示「衰在依間嘢無寫浪費食物要罰錢」。
帖文引發熱議，網民紛紛留言怒斥食客此舉，「都幾L仆街」、「下世必流放去餓鬼界」、「壓力大，好多人失常」、「必有報應」。亦有網民建議，「浪費食物係差㗎啦，只可叫餐廳加返條條款，浪費食物會收錢，先有阻嚇作用」、「幫佢隔起d湯，成煲秤」。其中更有留言指認涉事食客，「呢兩個人我喺餐廳見過呀！個陣仲好奇兩個人點樣食得到咁多嘢」、「食過幾次，見過佢哋，就係有心理病，d牛肉全部只會啜汁，之後吐返出嚟掉（丟），個女的情況嚴重d」、「我都時不時去，但係去親都會見到佢哋，真係攞嘢攞得好誇張，我以為佢哋係食得晒」。
收藏
取消收藏
分享
