【點新聞報道】入行超過50年的賈思樂（Louie）今年情人節將會再度開騷，舉行《Happy Together Again 2026 in Concert》，早前他和黃日華一同接受HOY TV主播俞詠文訪問。
兩人上次合作是一同出演舞台劇，被問及今次演唱會Louie是否想請黃日華合唱，Louie笑言請不起：「要華哥開金口好貴㗎！不過我哋係講心唔講金！佢不嬲都係一個好有義氣嘅人，從來都唔會托手踭！」而華哥亦表示只要Louie開到口，一定幫手，因為當年太太講過他是一個很有義氣的人，無論什麼東西，只要他出聲，就一定要幫忙。
談到演唱會將會在浪漫情人節後一日舉行，黃日華表示自己並不是一個浪漫的人：「當年我老婆成日都投訴我唔夠浪漫，嚟嚟去去都係嗰幾招，都係送99朵玫瑰花，但佢收到就會好開心。」對於近期有報道指黃日華失業，他表示已經百毒不侵：「都辛苦咗幾十年囉，係應該退下來！做自己喜歡的事。前半生我都稍為有啲成績，貢獻畀各大觀眾，後半生時間就留返畀自己。你好難去確定每個人都會鍾意你，現在網上言論更加離譜，大家講嘢無需負責任！所以唔需太介懷。最緊要做好自己！」
Louie亦深表認同：「好彩我唔識睇中文啦！其他朋友又驚我唔開心，做咗呢行50幾年，總之就係做得呢一行，開心同唔開心都要接受批評！如果係有建設性嘅批評，我絕對接受。」
（點新聞特約記者陳惠芳報道）
收藏
取消收藏
分享
