【點新聞報道】近日網上流傳一段影片，片中可見一名身穿單車服男子，將一輛共享單車舉高拋落河道，現場傳出一陣嬉笑聲，引起網民熱議，不少人批評涉事者罔顧公德。
有網民在社交平台threads上載發文，標註本地共享單車營辦商LocoBike，寫道「乜Ｘ嘢呀？而家啲人咁冇公德心嘅。喺天橋抌logo」。從其上載的影片可見，一名戴頭盔、身穿黑色單車服的男子，將一輛共享單車舉高，然後越過欄杆拋入河道，現場傳出其同行的單車友一陣嬉笑聲。
帖文引起網民熱議，不少人批評涉事者罔顧公德，「作為單車X咁對單車」、「咁大個人都仲玩呢啲嘢」、「呢d咁冇公德心嘅人，要有應有懲罰！」、「好似算刑事毁壞，要坐監留案底」。
另有網民揶揄拍片者自己公開罪證，「點解而家啲人咁鍾意將自己嘅罪證掉出公海？」、「其實呢一代嘅人智商真係有問題，做犯法嘢都要放上網比全世界人知」、「如果天橋下面有人嘅話咪俾佢揼死？咁樣嘅行為真係非常不要得，仲要將自己嘅犯罪證據放上網」。
LocoBike官方帳號其後亦在留言區回應事件，指已着手處理「多謝大家幫忙，我哋已經著手處理中」。有網民表示支持報警處理，「希望你哋報警拉佢」、「告到佢零速跌，係咁爆胎，電變冇電」、「一定要畀教訓呢啲人」、「拉佢、告佢…損壞他人財物」。
收藏
取消收藏
分享
