【點新聞報道】英國通脹嚴重，生活成本高，雖然每年都會上調最低工資，但咪以為係打工仔福音。有移英港男發文鬧爆所謂加薪，其實更似一種通脹補貼，直指「人工加得慢過生活成本，購買力其實係倒退」。
該名移英港男在社交平台threads以《移英日常｜英國通脹嘅真相》為題發文，指工資增長完全追唔上通脹，「每年都聽到英國政府調高最低工資、出年（2026年）4月起最低工資又上調 4.1%。新聞標題睇落正面，但現實其實更複雜。大部份嚟到英國超過2-3年嘅港人都感受到，食物、能源、交通、保險、房屋相關開支，過去一年升幅普遍遠高於4%。」
樓主認為，人工加得慢過生活成本，購買力其實係倒退，「以樓市為例，近幾年唔少地區樓價累計升幅已超過20–30%，但工資增長完全追唔上。呢種情況唔係『賺少咗』，係貨幣本身貶緊值。」樓主直指，「所謂加薪，其實更似一種通脹補貼」，目的並非令人生活更好，而是避免被擠出基本生活水平。
樓主又指，真正決定生活質素的並非收入，「呢個年代最大嘅誤會，就係以為『人工上升＝生活改善』。現實係—加人工，只係令你勉強企得穩，而唔係向上流動、真正決定生活質素嘅，已經唔再係收入，而係你有冇資產（股/樓）。」
不少網民認同樓主觀點，「每一次加埋果丁屎咁多嘅人工時，公司覺得自已懶錫住啲員工，就希望d員工做得更落力，但轉個頭，d物價升、稅項升得仲癲，呢啲變相係被人減咗人工！仲要唔係多勞多得，而係多勞多失！我返多一個鐘就多交一個鐘嘅稅⋯⋯」、「真心覺得未來嘅後生唔知點算」、「不嬲攞最低工資嘅都只係可以勉強生存到」、「通脹升人工升，但基本稅率無變，變相多收人工多交稅而生活質素越來越低 」。
收藏
取消收藏
分享
