【點新聞報道】近年點數卡騙案急升，有女網民在便利店直擊一名婆婆疑似墮入騙案，「係咪有單騙案準備發生？」指該名婆婆手持一疊點數卡，準備付款，幸好有機警的女店員極力勸阻，「驚佢比人呃」。
該名女網民在社交平台threads發文，「係咪有單騙案準備發生？」從其上載的相片及影片，可見現場為一間便利店，一名身穿紫色外套、揹粉色斜孭袋、拉着一個賣餸車的白髮婆婆，站在收銀台前，手持一疊點數卡，正在向便利店女職員查詢。
帖文指，當時婆婆想買點數卡，女店員起疑極力勸阻，「呢位婆婆問7仔職員點買點數卡，7仔職員力勸佢唔好買，驚佢比人呃」，店員更一度追問：「屋企人知唔知？」，婆婆回答：「知。」隨後婆婆還接到一通可疑電話，催促她「快啲買」。
影片中，更可清楚聽到女店員向婆婆表示，「你個仔你都要聊真啲，真係唔係講笑！」，意思是勸婆婆要與家人深入溝通。
事件引起網民熱議，「呢啲一定係俾人呃啦⋯⋯」、「古有阿婆行得快，一定有古怪；今有阿婆買點卡，一定畀人呃」、「呃人錢呢啲人不得好死，人地啲錢辛辛苦苦賺返嚟㗎」、「報警啦，趁店員拖住佢 」、「直接999左先，慢慢拖住等差人嚟處理」。
有網民大讚女店員極力勸阻，「店員真係好好心！但婆婆可能已經俾人呃到信哂」、「近年做銷售行業嘅員工都好努力阻止詐騙發生，要多謝佢哋原本可以唔理都努力把關」。
另有不少網民分享類似經歷，「我之前做7仔都遇過阿叔買點數卡，我覺得對方呃佢就勸佢唔好買，阿叔堅稱識對方，但我勸勸下佢又自爆未見過面...然後我見佢唔聽勸就扮收銀機連唔到線出唔到code比佢，佢去第2間買，之後隔日見佢坐響D街角喊...」、「10月左右喺青衣城，有個阿婆叫我幫佢連wifi，一連wtsapp瘋狂send相出去，我點開一睇係超多點數code。即刻問呀婆對方咩人嚟，呀婆話係佢契仔。我問點識架，網上識、未見過面，聲稱住新加坡。我睇咗部分wtsapp record確定係詐騙，呃錢時間長達一年半。我話幫佢報警，佢唔肯，我話幫佢通知屋企人，佢話個仔同新抱提過佢係詐騙，佢唔信。最後勸咗佢好耐，佢最後決定係：如果契仔聖誕冇嚟香港搵佢，就信係詐騙。」
收藏
取消收藏
分享
