【點新聞報道】一連15場的港式爆笑舞台劇《天下無不西之閨蜜》於本周五（9日）首演。劇集由「最吵閨蜜」黃智雯（Mandy）與楊詩敏（蝦頭）主演，以「火星撞地球」式的同居生活，上演連串啜核貼地情節。兩小時演出全場笑聲掌聲不斷，氣氛熱烈。
劇中Mandy與蝦頭分別飾演性格南轅北轍的閨蜜。Mandy飾演豪爽爆粗的Olive，蝦頭則演繹精緻「姿整煩膠」的Florence。首演三日以來，觀眾反應極佳，有人笑至拍爛手掌，亦有人笑到流眼淚。圈中好友包括李佳芯、黃百鳴、林家棟等亦是座上客。蝦頭興奮表示：「冇預計過觀眾會咁投入！一班喪癲嘅女仔陪住我哋兩個鐘頭，由頭笑到落尾，因為太耐冇做喜劇，呢種感覺好high！」
Mandy則說：「排練時大家都埋頭苦幹，好認真思考調整每個細節。見到觀眾反應咁好，咁喜歡呢個劇，就係最好嘅鼓勵。」Mandy對姐妹情深的戲份感受至深：「自己最鍾意最後一場，兩姊妹從決裂到和解，笑中有淚。最後同閨蜜合唱，回憶青蔥歲月，自己忍唔住喺台上灑淚，大家都很感動很有愛。」
（點新聞特約記者陳惠芳報道）
收藏
取消收藏
分享
