【點新聞報道】不少移英港人過着「二等公民」的生活，當中不少人要睇人面色，來換取其卑微的存在。有移英港女在網上分享一次在英國坐火車被霸佔座位後，只能站在一旁施壓，希望對方還回座位，經過45分鐘罰企後，終於得償所願，更沾沾自喜地宣聲稱是「溫柔而堅定討回公道」。有網民留言揶揄「香港人去過英國果然乖晒」。
該名移英港女在社交平台threads以「第一次成功喺英國溫柔而堅定討回公道」為題發文，憶述當日在火車被霸佔座位的經過，「今日搭長途火車有一對白人couple座位爆滿後霸咗我哋個位，請佢哋離開後都唔肯。我哋笑笑口咁話得，我哋搵職員幫手解決。職員嚟到同佢哋擾攘咗好耐，佢哋都唔肯離開。」
樓主惟有站在一旁，用群眾壓力，「之哋我哋同附近唔同嘅人吹水咁講起呢件事，又企正佢哋隔離施壓，對couple就忍唔住主動同我哋講唔係佢哋錯，我哋都係笑笑口同佢講：『明白今日係混亂，我哋都因為你哋而要企。』佢話：『如果你係我嘅話，你都唔會讓個位出嚟啦？』我哋堅定咁講：『我哋會呀。』然後佢繼續講啲歪理我哋就無視。啲旁觀者企正對白人隔離同我地講話覺得件事對我哋好唔公平，我又繼續同佢哋一唱一和。有對坐咗喺度嘅印度人同我哋講攰就畀我哋坐吓。」
經過45分鐘罰企後，樓主終於得償所願，仲指對方有道歉，「最終經過45分鐘對英國人忍唔壓力走咗，我哋都係對住佢講thank you very much, much appreciated。之後個英國人行返嚟同我哋講對唔住。」樓主事後檢討指，「喺英國就係咁，你鬧人就係你唔啱，搶佔道德高地方為上策」喎。
帖文引起網民熱烈討論，不少人都指英國人好無賴，「白人都有好多西人，根本唔使吹奏」、「佢坐你個位，就厚住面皮唔走。如果係你坐佢個位，佢仲唔問候祖宗18代，都會叫你go back your country.」、「最後嗰段吹多咗，英國佬點會同黃種人道歉」、佢哋講sorry只係hi and bye一樣，唔係真心道歉。」
另有網民分享曾遇過相同的坐火車經歷，「試過坐train 比個鬼妹霸咗個位，唔肯走，明明周圍都有位，咁我打算坐佢隔離當算，但佢話唔舒服，叫我走」、「我都試過遲咗上車四個位畀人坐晒，跟住班白鬼重理直氣壯咁一直以來都唔需要跟位坐，佢哋拖拖拉拉唔係好情願嘅情況之下都好在讓咗個位出嚟。之後問返車務員佢話正常可以搵佢哋處理，如果嗰幾個人都唔肯讓位嘅話，之後可以同火車公司投訴會退返錢。」、「我試過畀個鬼婆出女權主義how could you talk to a lady like that 再加 abuse牌來反插返我，咁啱有警察係隔離我又玩racist牌，最後警察叫我let her go」。
收藏
取消收藏
分享
