【點新聞報道】新鮮出爐「視帝」黃宗澤（Bosco）昨（7日）晚與汪明荃、蔡少芬、朱茵、鄭希怡、譚俊彥、林愷鈴、涂毓麟、蔡潔等為邵氏劇集《風華背後》舉行煞科宴。現場大家紛紛祝賀Bosco，更有「最佳男主角」獎項大蛋糕為他慶祝。
經常和Bosco扮演「螢幕情侶」的蔡潔被問到怎樣祝賀Bosco，她笑說：「好戥佢開心，請食飯我夾囉。」Bosco即說：「請食飯仲要夾？我請啦，都要請邵氏同事食一餐，咁落力幫我拉票。」他指因頒獎禮後隨即飛到南京工作才剛回港，還未相約食飯。Bosco又透露「錢途」無限，已有數個廣告接洽續約。講到加價，他則笑謂是友情、溫馨價，多謝支持。
Bosco與蔡潔在《風華背後》不單沒有對手戲，更只有一場同場戲份，她透露今次演奸角，與張松枝扮演老夫少妻，還與「小鮮肉」涂毓麟有感情線。對蔡潔戲份了如指掌的Bosco則笑說：「即係嫌棄我呢啲伯父，睇劇本見到佢同松枝好多身體接觸，我就話邊個夠膽拍，係咪真係夠膽摸落去？」他否認吃醋，只是說說笑。蔡潔則指該戲份電視尺度也有限制，拍攝時用方法去演繹。他則說：「冇睇到點拍，因為我習慣睇晒所有劇本，見劇本寫到咁勁，捽大髀咁大膽。」蔡潔則賣關子笑謂留待到時大家睇劇。
此外，已經9年沒有拍劇的汪明荃則指拍攝初期也有點緊張，但開工拍攝後相當順暢，大家更好似一家人一樣。
（點新聞特約記者陳惠芳報道）
收藏
取消收藏
分享
