【點新聞報道】點外賣時務必睇清菜單，以免點錯餐食！近日有食客於網上大呻「第一次食焗豬扒飯係焗豬配白飯」，帖文引發熱議。
食客於社交平台發文並上傳相片，抱怨「第一次食焗豬扒飯係焗豬配白飯，大癲」。從其上傳的相片可見，送來的外賣餐食是一份單獨的焗豬扒以及一碗白飯。而食客下單頁面信息顯示，其點的是一份「茄汁芝士焗豬扒餐」，配的是白飯。
帖文掀起網民熱烈討論，不少網民疑惑「飯另上係咩玩法」、「我依家先知有焗豬另上呢個玩法」、「無炒底不如唔好畀！根本唔係嗰樣嘢」、「？？？個飯應該要喺啲豬扒下低喎，一齊拎去焗㗎嘛」。
部分網民認為是事主理解有誤，「話明焗豬扒飯，都冇話係焗飯，梗係畀白飯你啦」、「餐廳冇錯喎，人哋唔係叫『茄汁芝士焗豬扒飯套餐』，係叫『茄汁芝士焗豬扒餐』另配白飯，真心係兩樣嘢」、「張單寫明芝士焗豬扒，真係無個飯字。」
亦有網民分享有類似經歷，「食海南雞飯轉白飯走皮，我一定係黃道十二宮或者雨夜屠夫啲FD」，「焗豬扒飯我真係好高要求，唔係炒底我絕對唔會食，浪費quota。因為我真係試過佢係白飯底WTF，自此之後我每次叫都會問一問係咪炒底。」
收藏
取消收藏
分享
