【點新聞報道】日前有網民在路上遇見一輛造型新潮的綠van，於是便在網上好奇發問，引發熱議。
樓主於Threads上傳相片並提問，「上明愛醫院嘅綠van幾時多咗隻車」。從樓主上傳的相片中可見，這輛綠van的造型與常見圓潤的車型截然不同。相片中的綠van車身偏正方，尤其是車頭呈梯形，彷彿是被削掉了一半。而一般綠van的車頭呈弧形，車身亦較為圓潤。
帖文掀起熱議，網民紛紛留言「呢架車幾靚喎」、「點解第一眼覺得車頂好似凹陷咗」、「見過佢，仲以為係假嘅」、「超肉酸車型」、「仲係小巴？不如變單層巴士樣啦」、「好…好…好肉酸」、「咁啱前面有條柱以為佢撞凹咗」、「一眼以為AI圖」、「名乎其實嘅專車咗」、「佢個設計好樣衰啊，雖然佢落車嗰個位好似矮咗啲比之前冇咁難上落嘅感覺，但係佢個設計真係好樣衰啊」。
另有網民則解釋，「係新買入的低地台小巴，方便輪椅上落」、「地台低咗好多對啲老人家嚟講好友善」、「平時舊式嗰啲小巴太高啲，公公婆婆上落好辛苦，見過老人家上個級（梯級）嘅時候仆親」。
收藏
取消收藏
分享
