【點新聞報道】外賣員的行為及服務質素良莠不齊，有將軍澳街坊早前經由網上外賣平台叫外賣，在配送方式備註「放在門口就可以」。豈料，外賣員竟將食物放在垃圾桶旁邊，事主向對方發送訊息，表明已作出投訴，惟對方反嗆「咪唔好食囉」。
有街坊在fb群組「西貢將軍澳討論區」發文指，透過外賣平台Keeta叫厚德商場一間食店外賣，並備註要求「不用按門鐘，放在門口就可以了」。隨後外賣員竟發送一照片，顯示將外賣放在垃圾桶旁邊，指「我擺咗喺（車立）口垃圾桶隔籬你自己出嚟攞」。
事主大為不滿，在帖文表示「放到我家門口，並非叫外賣員將食物放喺垃圾桶旁...大佬吖，放喺垃圾桶旁邊？？？」。事主於是透過外賣平台的聊天室聯絡對方，點知「佢竟然咁嘅服務態度」。
事主開門見山，告知外賣員「我已經打咗去投訴」、「冇可能將食物放垃圾桶」，惟對方回應「師兄啊我返工趕住上下一單㗎」、「你間屋咁鬼曳架lift又要走又要維修lift」，相信該大廈升降機正進行維修。事主認為，問題出於對方身上，「咁係你問題，唔係我問題」，對方則反嗆「唔緊要啦，咪唔好食囉」。事主亦明言不會進食，「食物放垃圾桶嗰度冇可能」。
帖文引起網民熱烈討論，紛紛斥責該外賣員離譜，「不可接受」、呢啲一定要投訴到底」、「唔係啩，咁會累死間粥店」、「咁叫屋企門口咩？一定要投訴到底啦」、「好侮辱...要投訴」、「呢個真係有啲過份， 嗰個位擺垃圾」。不過，亦有網民勸事主息事寧人，「算啦，唔好攪大件事，佢知你地址，一陣玩鬼你就麻煩」、「唔少外賣仔有反社會人格」。
Keeta回應事件表示，已即時跟進，按既定程序及賠償機制退款予顧客。Keeta重視食品安全及用戶體驗，基於涉事送遞員故意把外賣訂單放置於非常不當的位置，已終止其服務協議。公司將加強送遞員指引及培訓，提升配送服務質素。
收藏
取消收藏
分享
