【點新聞報道】話說有唔少做咗虧心事嘅黑暴「手足」，當日驚到要走佬去英國。日前有移英港人想做孝順仔，返香港照顧老人家，但就怕被列入通緝名單，入境時會被捕喎。嗱，到底是被害妄想症「上身」，抑或「身有屎」作賊心虛呢？
有移英港人在fb群組「英國香港人生活交流區」發文求教網民，指自己欲返香港，但又怕被通緝，「如果返香港（香港老人家有事要返去照顧）前，知道自己有冇被某部門通緝，請問有什麼方法知道？」。
不少網民都戥樓主擔心，「如踢過保嘅就唔好博 !」、「其實呢，都不下一單香港人返香港然後被捕嘅案㗎啦。你自己做過啲咩...，屬於移民定走難、你自己心知肚明」、「放心。你喺赤鱲角落機嗰下就會知㗎啦！落機口已經有入境處、警察安排等候」、「假設有關部門話你冇事你又信唔信？」、「喃嘸阿彌陀佛，祝萬事順利！平安大吉！」。
收藏
取消收藏
分享
