【點新聞報道】由黎諾懿、Ali李佳芯主演的馬來西亞劇集《義和》，開播以來口碑甚佳，二人飾演的黑幫人物江湖味十足，一洗7年前《BB來了》的新手爸媽形象。劇中有連場打戲的黎諾懿，觸痛舊患，膊頭韌帶九成撕裂，而Ali則指今次角色大部分的戲份都比較沉重，情緒也受牽動。
Ali飾演老大老婆「冰姐」，黎諾懿飾演社團第二把交椅，有連場打戲。他說：「今次有好多古惑仔打鬥戲，有好多拳腳、動刀，最驚險係用到真嘅鐵刀、鐵鏟，要拍啲斬人戲份，真係要好小心，記得其中一個演員打完之後成手都係血。我就膊頭嚴重受傷，本身右邊膊頭有舊患，而為了應付大量打戲，搞到靭帶撕裂咗九成，而家仲醫緊，未完全康復。」
至於Ali為了投入角色，數月來沉浸在陰沉的情緒當中差點崩潰，她說：「冰姐係一個好多經歷嘅人，老公過身、擔起社團責任，又要打、撞車，仲要有聲嘶力竭的喊戲，大部分都係沉重場口，對演員嚟講係好慘。好彩暫時呢幾年，我都係一年一劇，有足夠嘅體力和精神去應付，雖然係沉重，但演繹上係過足戲癮，因為正常人生好難會做到呢啲嘢！」
「冰姐」的人設與現實的Ali可謂有極大反差，Ali指：「其實飲酒、食煙，出入夜場，對現實生活嘅我已經係反差，不過講最大反差就係『氣場』，我底蘊係順其自然，所以同冰姐一出場就要好壓場，喝一聲啲人就靜曬個氣場有好大反差。」
（點新聞特約記者陳惠芳報道）
收藏
取消收藏
分享
