【點新聞報道】歌手吳浩康（Deep）近為養家轉行做地盤工人，獲網民讚是「職安真漢子」，之後更榮升棚架工程公司老闆。他日前於社交網拍片分享近況，指自己仍有做搭棚工作，現在不用落手落腳做，不過就負責睇位、報價及安排人手，壓力大過以前好多。
Deep戴上建築安全帽，穿上工服現身地盤準備開工，他表示最近有不少人問他還有沒有做地盤，Deep回應指：「其實又點會唔使做，我都仲有做搭架嘅工作，分別係以前打人工嘅時候就要落手落腳去做，而家就唔需要，不過就負責睇位、報價、安排人手，最重要當然係頂數啦，而家嘅壓力大過以前好多。」
提到公司已成立一周年，Deep說：「呢一年入邊真係好多學習同挑戰，講真我喺呢個行頭時間唔長，好多嘢都係邊學邊做，但真係好多謝一路上支持我嘅朋友同客戶，令到我可以成功渡過唔同嘅挑戰。」
最後，他許下2026年願望，希望日後可以繼續有生意做，又祝大家工作順利。不少網民都留言大讚「型男man爆」、「有膊頭真漢子」、「靠自己帶出一片天」。
惟有網民質疑Deep唔識搭棚架，「架都唔識搭學人開公司，遲早又跌死幾件」，有網民就替Deep 辯護，指「架係跟圖搭架！structE 批架，仲要收貨架！你識唔識架」Deep 亦有回應：「解釋得好清楚，謝謝」。
收藏
取消收藏
分享
