【點新聞報道】英國盜賊如毛，安全排名低、罪案指數高，早已為人詬病。一名移民英國的老華僑深感英國的治安愈來愈差，大數曾被賊入屋爆格，報警無人理，外賣店門口每日上演幫派打鬥，更有少女曾遭到強暴，慨嘆「喺香港覺得理所當然嘅嘢，嚟到英國先知唔係一定」，直指「返深圳好似仲安全過倫敦」。
一名90年代移民英國的港人在社交平台threads發文表示，近兩年萌生回流的想法，「我嚟咁耐都係呢2年先有回流香港唸法」，指英國脫歐後續同感受到治安、醫療、經濟同公共服務愈來愈差的體驗，真係好徬徨。
樓主近日在帖文提到，在英國多年所遇到的治安問題，「好多年前屋企畀人爆格，成屋幾乎冇一個櫃桶係完整，報警竟然冇警察到，仲喺電話到講，叫我哋唔好郁任何嘢，等聽日調查員嚟調查，但唔知幾點會嚟，結果成晚冇瞓等到聽日中午終於有個人嚟，睇咗10分鐘收工，返office寫report 就冇下文。」
街頭日日上演暴力事件，樓主表示，「仲有以前外賣店門口幾乎每幾日都有幫派打鬥，有幾次衝入嚟我哋店擸嘢，大街仲經常有告示，邊個喺到捅死人，最離譜有次係13歲女生比人拖去後巷強x 」。
樓主曾作出嘗試改變仍不果，「我後來搬咗去比較富人的區，到處都是大House同豪車，結果原來豪車太多，每日都有人偷車，附近的Park 都有女生跑步被強X」。樓主認為這些治安實況，「移英前港人真係唔知」。
樓主慨嘆「喺香港覺得理所當然嘅嘢，嚟到英國先知唔係一定」，更指「反而而家返堔圳好似仲安全過倫敦。」樓主遂問BNO港人有沒有後悔，「各位移英港人過咗幾年英國生活覺得點？ 後悔移英？」。
有網民留言亦指，「倫敦係越來越危險，物價越來越貴，稅越來越多」、「London治安一直都係一塌糊塗，搶電話、中phone scams & phishings都係閣下負責….天氣好先至要特別小心，幫派在風和日麗才上街大攪紅色藝術! Zone 1-3細間Tesco & Sainsburys，長假期開門做生意， 搶嘢嘅客多過買嘢好多! 」
收藏
取消收藏
分享
