【點新聞報道】食店衞生至關重要，有女網民發文分享嘔心經歷，指在將軍澳坑口一間小食店外賣生菜魚肉碗仔翅，回家進食時，竟發現有塊用過的膠布，形容「瞬間反胃」，並向食環署舉報。
該名網民在社交平台threads以「加料碗仔翅」為題發文，指在坑口一間小食店外賣生菜魚肉碗仔翅，回家進食時，食到最底竟發現有塊用過的膠布，「琴日嗌碗生菜魚肉碗仔翅，食到底發現佢留左個surprise 比我，哇～係開封咗嘅膠布啊」。從其上載的相片可見，樓主用湯匙在碗底內，撈起一塊用過的透明膠布。
樓主嬲嬲地向食環署作出投訴，對方回覆表示巡查後，指該店開業多年，其衞生環境都「ok」，不過的確發現有員工手部受傷有用膠布，「的確發現到有位員工手受傷有痴膠布 同埋佢哋做嘢有時帶手套，又有時冇帶咁解啫，我建議佢哋由透明膠布轉咗做一隻藍色膠布㗎啦」。樓主直指是「Horrible shop Horrible response ((可怕的店鋪，可怕的回應)」。
帖文引來網民熱議，「其實之前係大埔個間嘢...見到佢哋用地拖整野食…,之後就唔係好敢再食…」、「omgomgggggggg」、「好恐怖」、「作嘔」。
收藏
取消收藏
分享
