【點新聞報道】近日有女子於社交平台分享美髮失敗的悲慘經歷，她大呻「頭髮爛到死咗」，引發網民熱議。
女子於社交平台發文發相，表示在屯門一間理髮店做了價值800多的負離子直髮，做完後頭髮已經很乾燥了，兩天後她洗頭時頭髮更是直接炸了起來。後面女子返回該店舖，店家表示將免費幫女子重新做多一次負離子，但情況仍未得到改善。事主表示，「本身上去諗住可能退返錢，個師傅一嚟就話做多次，我就冇為意。始終第一次整爛個頭，我又唔係專業嘅，所以就信咗」。
事主續指，「幫我做第二次負離子嗰陣，靚妹仲要話我個頭不嬲都咁乾。我做咗10幾年負離子，淨係喺ＸＸ度都至少做咗6、7年，最後係呢次特別乾」。此後，事主也曾找過其他師傅重新做過頭髮，但是「佢哋話我啲頭髮已經爛到死咗，除咗等佢重新生過之外就冇得救」。
最後樓主無奈大呻，「整咗$800幾嘅負離子直髮，我之後洗咗幾千蚊慢慢救返啲頭髮都救唔到」。
帖文掀起熱議，不少網民認為髮型師存在技術問題，「條靚妹肯定（係）搽藥水同等待時間出現問題先咁樣」、「畀條靚妹整衰咗。。第二次仲肯畀佢搞」，有網民質疑店方補救措施不妥，「條友做街坊生意就唔老實喇。。。見你把頭髮炸到咁都仲建議你拉多次而唔肯退錢畀你。。。根本佢就知道乜嘢問題。。。爆到咁根本就唔適合再補電嚟二次傷害。。。等你做完第二次再爆啲。。。就屈你話你本身（頭）髮乾搞唔到。。。」。另有網民建議事主，「唯有做返幾次蛋白修護。。。然後逐漸削咗個尾佢」、「你可以去....焗返個蛋白焗油，頭髮就可以重生，因為我試過同你一樣，但焗一焗真係好貴」。
收藏
取消收藏
分享
