【點新聞報道】娛樂訪談節目《一周星星》周日晚（26日）播出的第四集，嘉賓是《尋秦記》四位主演古天樂、宣萱、林峯及朱鑑然，主持則是區永權。
在「Fact Check」環節，區永權求證古仔是否如傳聞所指「唔畀人趷得」，古仔先是很大反應：「你講咩呀？（馬上指着宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」
此時林峯加入戰團，卻非為宣萱護航：「我喺度諗緊邊一日你係冇趷佢嘅，又好似冇……」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」古仔又點解畀佢趷？他說：「咁我都唔知吖嘛，我都慣咗喇嘛，你估我想架？！」
宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍電影版《尋秦記》時，郭羨妮再聚首「仲啱傾過以前」時，古仔因一句「即係以前唔啱傾」，被宣萱「反白眼」攻擊兼被負評「搞屎棍」；之後宣萱提到重遇歐瑞偉（飾演陶總管），很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應主持要求向古仔作勢送上「熊抱」，古仔見狀即閘住：「唔好郁手郁腳呀喂！」慘食檸檬的宣萱竟出拳狂打古仔，十分搞笑。
古仔又爆宣萱愛說話：「佢平時一定會同我講嘢，我病嗰日我先唔應佢架咋！」他更笑言宣萱一分鐘都不能停下嘴巴。
（點新聞特約記者陳惠芳報道）
收藏
取消收藏
分享
