【點新聞報道】兩餸飯經濟實惠夠大份，又有住家飯感覺，深受市民歡迎。有港男日前希望食到兩餸飯店的蒸魚，不惜由佐敦分店行到油麻地，點知兩間店舖的蒸魚都售罄，幸得熱心廚師出手，新鮮蒸出一條石斑做晚餐，獲不少網民大讚。
該名港男在fb群組「香港兩餸飯關注組」發文指，由佐敦分店行到油麻地分店都無蒸魚賣，「今晚行過佐敦權發，無晒斑，咁再行去油麻地權發都係唔見」。正當失望之際，樓主在油麻地分店「咁啱見廚房大佬就試下問」，廚師得悉後，熱心回應「你等唔等一陣，可以即刻蒸一條」。
最後，樓主吃得心滿意足，「坐低等10分鐘就有新鮮蒸出嚟嘅石斑做晚餐」，而且價錢經濟實惠「$68加一餸比多十蚊，$78蚊就食到」。
帖文引來大批網民熱議，「我覺得呢個po重點唔係味道好或價錢平，而係廚房大佬願意即時為客人蒸條魚出嚟嘅服務態度值得畀個讚」、「老細有Heart，抵佢越做越旺！」、「為客即蒸條魚俾你，真係好有心！行多幾步有食神！」、「最欣賞係油權師父對客人和工作嘅熱誠」。
不少網民大讚「抵過買餸煮飯」、「自己去買餸整都唔得啦，$78抵到爛」、「大XX的一餸飯都要呢個價錢啦！真係抵」、「酒樓水準，快餐店價錢！」。
收藏
取消收藏
分享
