【點新聞報道】再有「人肉霸位」事件！有司機在網上發布一段車cam影片，指遇到一男一女以「人肉」霸佔泊車位，更「碰瓷」瞓地。影片曝光後，引起網民熱議。
該名司機在fb群組「車cam L（香港群組）」發文表示，在大埔大尾督「又一名碰瓷黨及霸車位黨」。從其上載的影片可見，事發於12月7日下午，司機在街頭露天泊車時，一名女子以「人肉霸位」站在車位前，當司機打算向前駛入泊位，該名女子立即破口大罵。
其後，一名男子疑爭位不果，不但指罵司機，更突然「哎呀」大叫一聲後瞓在地上，司機不滿下車理論。其後，男女兩人更聲稱要報警處理。司機在帖文表示，「已報警處理！警察事後希望我唔好告佢大事化小！就咁散場！」。
司機其後在留言補充指，「警方證實冇撞到佢！如果真係撞到佢，我就唔會擺條片上去啦！兄弟放條片俾你哋睇吓等你哋警惕下啫！」
影片引起網民熱議，「一定要報警，拉Q晒呢班人渣」、「人無恥，便無敵」、「演技好浮誇」、「有冇救護車嚟㗎？要去政府驗傷㗎喎，有醫生證明，唔係瞓低就係得㗎啦，另外你有片可以保留追究責任」、「你真係輕輕撞到佢就輸蝕咗喇…下次停係佢前面報警咪算囉…」、「雖然對方d演技差到連霞姨都唔派飯盒，但樓主下次最好保障自己，費事畀d賤民搞到自己」。
收藏
取消收藏
分享
