【點新聞報道】姜濤亞博一連9場演出昨晚（23日）繼續，由於尾場開始倒數，心裏開始捨不得。昨晚他無邀請嘉賓，完全是他一個人的專屬演唱會。而休場一天的他再踏舞台時，為配合個唱主題換了全新髮色，他表示：「頭髮由陰轉陽，由藍色變做紅色，係有呢個小構思。」
姜濤表示進行倒數階段大感不捨：「呢個演唱會尋日（22日）先中場休息完，一直覺得可以休息啦，但臨近瞓覺嘅時諗倒數最後4場，所以好珍惜呢4晚，每一次嘅表演我都會提醒自己當係最後一晚，有呢個舞台真係好唔容易，遇到大家更加唔容易，我每日都好努力變成一個更好嘅人，我哋每個人都變成『Better Man』。」
姜濤繼續說：「相信發生事件令心情唔好，每個人喺人生裏面會有好多情緒困擾，身為artist嘅我哋都有好多情緒，喺呢半年、一年，我一直在學一個課題，就係點樣令自己嘅情緒好啲呢？點樣令自己脫離情緒繼續行呢？我一直以嚟都叫自己頂住呀，唔好放棄呀，我由細到大都係自己一個小朋友，我冇兄弟姊妹，冇得同人商量，我唯有自己同自己做朋友，同自己講頂住、加油、ok嘅。但呢一年，我發覺有啲moment未必得喎，後尾我好多謝我幾個朋友同我講，其實你唔一定要頂住，畀你情緒釋放，哪怕30秒，唔好理任何嘅嘢，唔好理本身咩職業，在不傷害其他人情況下，畀你自己嘅情緒好好釋放自己出來，所以我都好努力、好努力去做呢個好大嘅課題。」他又寄語希望每位粉絲無論人生遇何幾黑暗的經歷也不要害怕，因每個人都有感同身受。最後他祝福：「希望你哋每一個人都搵到自己情緒嘅出口。」之後再首唱新歌作。
雖然第6場沒有嘉賓出現，但近演唱會尾聲唱完《蒙着嘴說愛你前》後，姜濤送上超級彩蛋作為聖誕禮物。事緣encore後，他突然叫全場觀眾留步等他30秒，原來是為粉絲送上新歌《情緒30秒》為大家打氣，他笑住問：「Second Encore，點解要大家留步30秒？因為跟住呢首歌，相信你哋每個人都未聽過，因為係好秘密咁去製作呢首歌。」他又透露，在演唱會前，因當時發生事故而影響不少人的心情，所以就創作了這首歌望為大家打氣。
（點新聞特約記者陳惠芳報道）
收藏
取消收藏
分享
