【點新聞報道】《張學友60+巡迴演唱會香港終章》昨晚（23日）於紅館開鑼，今次學友再度踏上紅館，64歲的他狀態大勇，雖然不時提及自己已經60+，但當輕鬆落下「一字馬」時，全場歡呼，可見他寶刀未老。
演唱會晚上8時準時開始，現場座無虛席。學友以一曲《留住這時光》為演唱會揭開序幕，再由一班舞者伴隨出場，一身黑皮衣皮褲造型的學友唱出《Ooh La La》，更踏上古董車頂唱出《馬路英雄》，全場氣氛即刻升溫。
「最終章」在港演唱感溫暖
學友唱完《我真的受傷了》後，才跟大家打招呼：「香港嘅朋友你哋好！其實我想講山頂嘅朋友你哋好，但山頂已經唔係好山頂。所以，買最前飛嘅朋友好傻，其實後面都睇到，哈哈！」學友表示在香港演出今次巡唱的最終章，是一件溫暖的事。他說：「只要企喺度，我就會覺得我係張學友，歡迎大家嚟到張學友60+巡迴演唱會嘅第305場。」
小休小病 大休大病
學友提到，整個演唱會樂團及團隊休息了三星期，他笑說：「我有個不好嘅習慣，一休息就病，小休小病，大休大病。休息嘅第一星期，將之前嘅感冒清咗佢，之後諗住打下波，點知打完條腰就唔郁得，可能呢啲就係60+嘅問題。早幾年，我以為60歲好多優惠，但原來係65歲先有。但過幾個月我就65歲喇！哈哈！」
再演「一字馬」證寶刀未老
學友表示自己的歌曲陪伴大家走過41年，他感慨地說：「我唔知大家會唔會諗住今次係我最後一次開演唱會，所以無論如何都要睇咗先。我自己都覺得，懷疑、怕係最後一次。上一次我開時，都係怕，以為係最後一次。」說罷學友更即席表演「一字馬」，再輕鬆站起來，力證自己寶刀未老。他笑說：「睇我自己起到身就知，我上次係爬起身。所以唔使驚，我仲喺度。」
這兩年發生很多事
Encore環節學友演繹《李蘭》，又透露巡唱這兩年多，樂手、舞者及幕後工作人員都有情侶結婚了。他笑說：「這兩年發生了很多事，當然沒有發生在我身上啦！」他準備了愛情組曲送給新婚的朋友們，包括《你是我今生唯一傳奇》、《你的名字我的姓氏》等。最後，學友以一曲《吻別》結束首場「香港終章」演唱會。
（點新聞特約記者陳惠芳報道）
收藏
取消收藏
分享
