【點新聞報道】早前因在港鐵迪士尼站以廣東話、普通話及英語，獨特「Rap式」分流乘客一炮而紅，被網民冠以「港鐵Rapper」稱號的前線職員Hinson，又有新作喇！有女網民日前在社交平台發文指，於欣澳站遇到迪士尼港鐵哥哥，開心表示「佢有新作了，聽到佢把聲好開心」。
該名女網民日前於Threads發文表示，「迪士尼港鐵哥哥今日喺欣澳站出現！佢有新作了，聽到佢把聲好開心」。帖文附上三段影片見，可見Hinson繼續用廣東話、普通話及英語，於扶手電梯及月台指示及管理人潮，「no stopping，keep moving！no stopping，everybody so move your body！Thank you.（不要停下，繼續前行，不要停下，所有人移動你的身體，謝謝）」、「隔籬門，那邊門，next door」、「大家請再往前靠，不要擋通道，謝謝」。
不少網民都留言大讚，「Everybody move your body，我開頭以為佢唱陳慧琳首大日子添」、「點解佢每次都可以咁押韻」、「我今日都見到佢，但冇錄低，仲有一句㗎！『向前行半步，留返條通道』」、「好正 」、「聽佢講嘢咁有喜感嘅」、「欣賞佢嘅工作態度」、「聽到呢位哥哥講嘢，有啲搞笑，但又好押韻，如果唔開心，聽到都即刻開心返」、「同迪士尼角色一樣，用唱歌表達要講嘅嘢，好正好開心！」。有網民建議加人工，「呢個哥仔要加佢人工，好鬼正！」、「呢啲要加人工 」。
另有網民在留言區上載影片分享Hinson的蹤影，指「早兩日喺油麻地撞到佢」、「上次影咗佢背脊」。
收藏
取消收藏
分享
