【點新聞報道】近日本港社交平台流傳一張相片，只見一處大廈的男保安在當值期間竟公然玩遊戲機，引發網上熱議。
目擊者於社交平台發文發相，嘲諷「......保安真爽可以玩埋Switchhhhhh，真係好嘢，啲保安嗰個都真係有料嘅，當更走去街市買餸嘅又有，巡緊外圍買杯麵即刻邊行邊食邊巡嘅都有，呢個仲有料帶埋部遊戲機邊玩邊開工」，從其上傳的相片中可見，該名男保安在大堂值班座位處翹着腳、低頭旁若無人的雙手拿着遊戲機在玩，遊戲機還連接着充電線。
帖文掀起網上熱議，網民意見兩極。部分網民批評該保安行為不當，「打機都唔好咁揚呀」、「Switch又真係誇張D嘅」、「寧俾人知莫俾人見呀」、「真係過分」、「拎上手玩係串咗啲嘢，要玩都（俾）張枱遮住啦」。另有網民則表示理解，「無瞓就得啦」、「其實佢只要唔瞓覺，我理得佢喺度做運動、畫畫、打機、睇書，都冇所（謂）」、「你返下先講？本人做過兩年通宵更（12個鐘）真係唔係講笑（辛苦工）」、「起碼無瞓.....」、「你去做佢份工試下就明白」、「夜晚真係唔打機，真係好易瞓着㗎」。
收藏
取消收藏
分享
