【點新聞報道】一共5集的《玩轉桂林懶人包》，由薛家燕、何廣沛、林正峰擔任主持，今晚播出最後一集。
三人在節目中不時互動搞笑，昨晚一集他們品嘗當地著名美食螺螄粉，期間家燕姐突然表示螺螄粉似足林正峰：「鍾意佢就覺得佢幾Nice，唔鍾意佢就覺得佢...」，然後何廣沛竟加把嘴：「寒酸...總之係孤寒啦！」，林正峰亦七情上面扮介意。另外何廣沛和林正峰亦體驗「竹筏遊」，近距離觀賞灕江兩岸景色。期間二人興奮地在竹筏上擺出各種甫士，林正峰更即興向岸上女子請求幫忙打卡拍照，被何廣沛笑指：「原來林正峰係咁樣溝女嘅！」
何廣沛和林正峰除了互寸外，二人亦賣力哄「皇太后」家燕姐開心。三人到訪有「天下第一長髮村」之稱的黃洛瑤寨，這對孖寶兄弟更親身上台和當地的紅瑤婦女舉行「成親」儀式，過程中二人和紅瑤婦女載歌載舞，更接連被摸屁股，逗得台下的家燕姐大笑兼拍爛手掌。
此外，品嘗路邊攤檔竹筒飯，林正峰獲家燕姐垂青：「峰峰，你每次發現都係食啊食啊食啊...不過好啱我！」而二人亦乘機「嗲」家燕姐親自餵食竹筒飯，林正峰更賣口乖：「覺得家燕姐餵畀我嘅飯特別甜！」而轉數快的家燕姐笑言：「因為有我啲口水！」互動相當搞笑。
（點新聞特約記者陳惠芳報道）
收藏
取消收藏
分享
