【點新聞報道】不少人對英國抱有不切實際的幻想，有移英港爸在網上發文，告誡現時移民環境無之前幾年咁好，現時是收緊移民政策，通脹上升，比之前難搵工，直指「各地有各地嘅生活模式，呢個世界無烏托邦」，奉勸要做好資料搜集，諗清楚先決定去留，問題唔會因為轉咗居住地就一掃而光。
該名移英港爸在社交平台threads發文分享近5年的英國生活，指曾受邀到當地人的家裏作客，言談間對方直指這個國家（英國）很糟糕，「QQ（女兒） 剛入學有locals媽媽請我入屋飲茶，問我點解想嚟英國。我回答：becoz I like the British history & culture.佢反應係：this country sucks. You’ll know.」
在英國生活了幾年後，樓主亦慨嘆不如幻想中美好，與香港相比高下立見，「香港做事效率真係高，日常生活方便；喺英國要放慢d，每日做到一件事再維持到返放學已經好好。而且一d好簡單嘅事都可以錯，執手尾仲煩。」
樓主形容移民之路苦樂參半，慶幸語文和交友方面尚算可以，「我哋英文能力已經算係應付到日常生活無咩barrier，另一方面，呢幾年經歷嘅都係以往未感受過，亦因為咁識到一班新朋友」。
樓主奉勸不要人云亦云，無論決定留港定其他地方生活，諗清楚自己適唔適合，「做好research，多d問在當地生活嘅港人。即使同一國家，唔同城市都好有分別，諗清楚先決定去留」。
收藏
取消收藏
分享
