【點新聞報道】日前有食客於社交平台發文指於葵芳一間餐廳用餐後，發現賬戶遭他人盜用點餐，懷疑遭遇新型食肆騙案手法。
據事主憶述，當日於葵芳新都會廣場一間泰國餐廳用餐，接近用餐尾聲時一名約60歲的婦人主動走近並詢問「小姐走未？」，當時事主誤以為婦人是餐廳職員安排的搭枱，見對方似乎很着急，便回覆「飲埋就走」，未料婦人立即掃描桌面的QR Code下單了。
事主坦言，「當時我冇為意咩事，俾埋錢。搭車到尖沙咀諗住入自己（嘅）expenditure，點解貴咗咁多」，她怒斥「先醒起我俾呢個阿嬸呃咗我錢！頂，嬲到爆炸，點解啲人可以奸（詐）到咁」。事主續指，「諗返個阿嬸，仲要係咁講唔該。客氣得over，原來係咁嘅意思，要我請佢食下午茶」。最後事主提醒，「原來qr code fixed on the table係咁危險嘅一件事。唉！大家小心啲！」
帖文旋即掀起熱議，部分網民質疑，「與其話係騙案，loc似係要警世食完嘢check單」、「俾錢睇清楚係常識……今時今日常識都要『警世』……」、「其實個婆婆大年紀未必知呢個漏洞，我哋後生都唔知原來會咁。佢都可能係一坐低就順手scan code落單啫」、「找數唔睇銀碼？」、「阿嬸係咪遲過你走？無啦啦俾你埋咗張單，人哋都唔知點算，其實你有冇諗過佢都係受害者」，亦有網民認為這類行為可能就是騙案。
有不少網民表示有類似經歷，「我都試過，但我係後到搭枱果個，佢張枱得兩個code就掃咗自己位面前果個。點知，到埋單發現好貴！同店員講咗好耐…但明明見另一個人走係有俾錢」、「我之前同樣葵芳某餐廳，qr code落單一碟嘢（食）加一杯嘢飲，好在有check單習慣，見到係兩碟嘢兩杯嘢飲，即時講返，佢哋好驚訝問係咪之前條友無埋單」。
收藏
取消收藏
分享
