【點新聞報道】英國佬靠得住，豬乸都會上樹。有移英港女在網上發文大呻，英國政府的移民政策不斷搬龍門，令她陷於進退兩難，「用咗幾年時間，使咗成舊錢，唔通真係話回流就回流，個個都有難處」，最後只能無奈地慨嘆，「理想同現實差好遠，尤其對佢有期望，但同時又無失望同後悔。」
該名移英港女在社交平台threads發文，提到自小便自覺是井地之蛙，所以希望借移民的機會，去開拓眼界，「典型香港90後，家境正常，屋村中學，DSE 17分唔夠上大學就直接去做嘢。屋企未奢侈到夠送去外國讀書。成日覺得係遙不可及，基本上諗都無諗過。未見過落雪、英文日常對話少之又少，一個外籍朋友都無，一直覺得英國係一個好神聖、文化氣息濃厚嘅地方。有時會覺得自己井地之蛙，唔知依個世界有幾大。然後有一日，突然有個機會可以移民，考慮咗幾日就開始計劃飛過嚟。」
樓主憶述剛抵埗英國時，就好以去了另一個時空，「諗起嚟到嘅第一個月，任何事都小心翼翼，因為全部嘢都未接觸過。無諗過會咁早天黑、咁遲天黑、咁凍、咁多種族、咁多Homeless（無家者）同druger（毒品）」。
樓主指在英國難搵工，語言是一種障礙，「慢慢生活咗幾年，一開始搵工唔容易，連最基本大學要求都無，亦都無樣嘢叻。由一開始連打去GP約個appointment 都緊張，都依家可以慢慢成句講晒」。不過，樓主表示直至現時，對Drive thru（無需下車即可接受服務的場所）都仲係淆底。
對於英國政府的移民政策不斷搬龍門，樓主直言「最大問題係話事權根本唔喺我哋身上， 用咗幾年時間，使咗成舊錢，唔通真係話回流就回流，個個都有難處。」樓主只能無奈地表示，「理想同現實差好遠，尤其對佢有期望，但同時又無失望同後悔。」最後，她認為沿路得失都有，感激同珍惜仍擁有的一切。
收藏
取消收藏
分享
