【點新聞報道】RubberBand聯同耀榮文化於12月14日舉行「RubberBand x 耀榮文化 同在音樂會」，以音樂凝聚社會力量，支援大埔宏福苑五級火受影響的家庭。今次音樂會門票不扣除任何成本與開支，收入將全數捐出，善款總數為$2,903,713元。
是次音樂會於西九舉行，全場6000座位爆滿，RubberBand用《回家》為音樂會打響頭炮：「喺呢度見到大家係因為香港發生咗好唔開心嘅事。我哋一直都想做d嘢，咁所以寫呢首歌回家，亦都得知到我哋嘅好夥伴耀榮文化想邀請我哋一齊做一個咁樣嘅騷。我哋喺呢個城市好微不足道、好微小嘅，但正所謂有錢出錢，有力出力。就將我哋嘅愛送出最大嘅能量，送去每一個人嗰度。」
RubberBand全晚唱出二十幾首歌，由於晚上天氣溫急降，6號不時呼籲觀眾企起暖身，6號唱到跌暖包：「有咁多朋友喺度，都暖曬喇，唔需要暖包。昨晚又落雨又凍，今晚都凍但好天氣，做善事個天係睇到！」及後全場觀眾大合唱《阿波羅》，6號其間更講到眼濕濕：「今次呢個騷好多人幫手，為呢次音樂會推咗啲工作過嚟幫手！我哋只係識做音樂，咁多年嚟我哋啲歌都係關於呢個城市嘅故事，裏面有好多愛，好希望可以送到一份溫暖。」
（點新聞特約記者陳惠芳報道）
收藏
取消收藏
分享
