【點新聞報道】加拿大推出的所謂「救生艇計劃」，結果愈等愈不對路，不少移加港人已決定棄艇返港。一名移加港男在網上發文直指，在加拿大日子愈耐愈發現治安、醫療都唔理想，再加上種種原因，逐漸萌生回流的念頭。
該名移民加拿大四年多、剛入籍的港男在社交平台threads發文，表示萌生回流返港的念頭，並分享自己的心路歷程，指「當初從來冇諗過會回流，開頭仲好積極去認識朋友，但當日子耐咗逐漸認識這個地方，治安、醫療都唔好、再加上種種原因，回流嘅想法漸漸萌生」。
樓主權衡輕重後，選擇了回流，「我知道每個地方都有好與唔好（香港而家都唔見得特別好），既然係咁，咁就選擇一個自己熟悉、有屋企人喺身邊嘅地方繼續生活」。
不少網民支持樓主決定，「其實唔使問啦，自己覺得邊到開心就邊到」、「當你嘗試去過其他地方，人又大咗，你就會發覺，冇嘢比生活喺一個自己有歸屬感、有家人喺身邊嘅地方咁重要」、「加油，過自己想要的日子！」、「好多人話香港點衰點衰，其實佢哋無去過外國，每個國家都有好有唔好。我就始終覺得香港好」、「搵到適合自己嘅地方最重要」、「適合自己的地方，就係好地方」。
收藏
取消收藏
分享
