【點新聞報道】劉穎鏇（Tiffany）最近應邀為一商場拍攝「聖誕禮物大派對」相片，她在商場四圍打卡，既工作又可以趁機shopping揀聖誕禮物。
談到聖誕節Tiffany就一臉雀躍，直言歸心似箭：「我目標係希望聖誕可以返到去LA（洛杉磯）陪屋企人過，但我未買機票，因為始終做嘢為主，希望一有空檔時間就可以即刻走。」她透露每年聖誕都好渴望能與家人度過，全家人食飯、傾偈感覺特別Warm。
劉穎鏇又笑言家人作風好洋化、好Chill，不會被「逼供」終身大事：「又冇喎！佢哋反而成日問我喺香港做緊乜，拍緊咩劇或者綜藝節目，想了解我嘅工作多啲！」Tiffany預告《飛行日誌ll》將於12月埋尾，之後有機會開拍新綜藝節目。雖然Tiffany近日人氣急升，但她自爆其實係一名「宅女」，平時好少主動出街，最喜歡留在家中屋企。
至於聖誕禮物，Tiffany笑指自己好幸運，因為家人沒有互送禮物的習慣，為她省回不少。她說：「我試過想送禮物俾父母，但佢哋樣樣都話唔想要。（收過最Sweet嘅禮物係乜？）Fans送嘅手作最Sweet，佢哋會集齊我好多相整成相簿，呢啲要花時間做嘅嘢最有意義。（有冇追求者送過？）又好似冇。（送手作會加分？）會嘅。」
（點新聞特約記者陳惠芳報道）
收藏
取消收藏
分享
