【點新聞報道】都話無錢移民，寸步難行。有移英港人在網上發文，分析指有三大因素，導致移英人士頂唔順，用咗幾十萬港幣過來，但都要回流返香港。其實都離不開不個錢字，奉勸要準備充足銀彈，「唔好咁搏，因為真係搏唔過」。
該名移英港人在社交平台threads發文表示，近來有移英港人因經濟頂唔順走，並分析有三大因素，包括香港仲有樓要供，未賣出；家庭開支大，儲蓄少；以及香港收入高，移民預算必須專業高薪工作收入。樓主直指「中一樣都相當有可能導致喺度頂唔順，用咗幾十萬港幣過來，但都係要返香港」。
樓主指，英國搵工難、人工少，「就算本身有專業、英文好，想過來應該可以做返專業，收入會ok，但時勢困難，搵中高薪工難咗好多」。雖然最低工資工作，永遠都有職位空決，但「如果控制唔到支出，又擴大唔到收入，儲蓄又有限」，即使肯做最低工資工，都會因子彈唔夠要返香港。
相較起來，樓主回想早期的移英港人，無聽過因經濟頂唔順走，「其他家庭、健康原因要返去嘅係有，大部分都預咗6-10年需要，有工作，只係幫補」。
最後，樓主提醒銀彈充足，方為上策，「要預鬆d 當地需要支出預大d expected income 用英國standard 37.5 x minimum wage hourly rate 計，唔好咁搏，因為真係搏唔過」。
收藏
取消收藏
分享
