【點新聞報道】移民係人生大事，根本不應貿然決定。有移英港女在網上發文力勸移民前要三思，指世上無完全的樂土，唔好因為一時之氣就移民，「唔好覺得離開咗香港就解決晒所有問題，但事實真係唔係咁架嘛」，到頭來又回流，時間及金錢皆盡失。
該名移英港女在社交平台threads發文，力勸移民前要三思，不要讓情緒主導，以免勞民傷財，「今日開始見啲人話後悔冇移民/想搞移民，明嘅，發生咗咁多事。但世上冇完全嘅樂土，唔好因為一時之氣就移民，到時又回流，時間/金錢盡失」。
樓主以自身為例，指在英生活不盡如意，「真係每日都同緊啲CS Ｘ老母；日日揸車被人trap要appeal；送貨送正大廈門口 人哋完全出入不能，delivery立立亂；plumber整整吓消失咗；就連老麥drive thru都可以收錯錢再要同佢拗；未計個政府垃圾到物價狂升，好易失預算；你可以唔同CS拗嘅，咁就會俾多好多錢囉」。
樓主再三闡述自身立場，希望大家唔好衝動，諗清楚先移民，「我出po只係唔想大家衝動行事，誤以為移咗民可以一了百了，『並沒有』比較香港同英國，我主要唔想再見到大家嚟完又唔開心，返到去又冇錢又冇咗啲時間」。
收藏
取消收藏
分享
