【點新聞報道】大埔宏福苑發生五級火，造成嚴重人員傷亡，市民深感震驚與哀痛。昨晚（2日）梁思浩、黃紫恩（Jojo）及黃耀英（Darren）主持《同心送愛直播靈接觸》播映，嘉賓更請來註冊臨床心理學家王昌哲（Ernest）及靈修導師In Lee。
黃紫恩（Jojo）透露事發當晚情緒波動無法入睡，接住趕到災場擔任義工。王昌哲表示經歷關乎人生安危的事故，包括失去家園、親人，有過激反應都屬正常，他說：「好似瞓唔到覺、食唔到嘢，都係正常反應。反而要留意係一星期或幾星期之後，徵狀有無更嚴重趨勢，約20%至30%人有更嚴重徵狀出現，包括創傷後遺症等等。所以期間嘅觀察同事後援助仲緊要。」
靈修導師In Lee認為面對沉重打擊，人的情緒處於崩潰邊緣，還要提醒自己要堅強，她說：「呢個情緒延續落去先令人最擔憂，佢哋好難表達情緒，當場崩潰咁喊又唔敢。我會建議不如畀自己小小空間喊出嚟，匿埋自己喊，喊到點都無問題，幾誇張都無所謂。用呢個方法去表達自己情緒，總好過收埋扮堅強，其實大家都明，唔會笑你。」她提議一個抱抱、或在身邊無聲的支持，已很足夠。In Lee強調切忌收埋自己，有難處應該跟朋友講，一起去解決，不要讓負面情緒發酵。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
