【點新聞報道】個個對移民充滿幻想，經歷過先驚覺現實係幾咁骨感。一名回流港男在網上發文大數在英國曾經歷接近「世界觀崩塌」級別的事件，包括被人搶手機、種族歧視、街上無故襲擊以及朋友差點遇險。樓主直言「治安差嘅地方，免費送畀我都唔會要，夜晚行街好似一張紙，風吹下都覺得危險。」
該名從英國回流返港的港男在社交平台threads發文，表示在英國生活時，曾經歷過接近「世界觀崩塌」級別嘅事件。首先是被人搶手機，他形容「嗰一刻嘅失落、孤獨、無力，好似壓死駱駝嘅最後一根稻草。我真係忍唔住哭咗出嚟。」他回想起事發時指：「本身以為英國人會好歡迎我，但當我喺街上突然失去手機嗰刻，嗰種無助感、驚惶感，一下子令我明白——呢度嘅世界，其實充滿敵意，完全唔係我留學時代嗰個英國。沒有同學，沒有老師，沒有親人，呢度對我嚟講係一個完全無羈絆嘅地方。」而警察只係着他：「現場唔好報案啦，日日都有人被人搶電話，你返去上網填表就得。」樓主直言「個種悲憤交加嘅情緒，真係令我差啲透唔過氣。」
其次是種族歧視及街上無故襲擊，樓主曾遭白人作勢威嚇，「試過遇到白人行埋嚟，無一句說話，淨係用動作示意要打我。嗰種赤裸裸嘅敵意，香港完全無呢回事」，以及「英國有人會突然喺你背後丟玻璃，我喺香港從來無遇過。而喺英國，我就遇過三次。」樓主坦言，自己作為「二等公民」甚至唔敢回頭望，「如果喺香港，我一定會據理力爭、回頭睇清楚發生咩事；但喺呢度，我只係本能咁走開，因為你唔知下一秒仲會唔會有危險。」
最後是朋友差點遇險，樓主指英國治安差，「我朋友亦試過俾醉酒佬舉起上半身，成個人半升空，一個唔覺意真係會出事。」所以當某啲衛英話「做二等公民都過得幾好」時，樓主認為「只係佢哋仲未遇到真正威脅生命嘅時刻」。
樓主以伊索寓言中的故事來做比喻，「一隻狐狸唔小心冇咗尾巴，驚俾同類排擠，於是開始吹噓話『冇尾巴更輕鬆』。其實道理都係一樣——有啲移民咗嘅香港人，仲未承受過真正衝擊世界觀嘅事；仲可以飲住英式下午茶、開住暖氣、寫帖話冇尾巴幾開心。」
最後，樓主希望大家唔好客死異鄉，「無論你身處香港定英國，我真心希望每一位香港人，都可以活得好好，平安快樂」。
收藏
取消收藏
分享
