【點新聞報道】大火無情，有港島區的網民日前發文表示，想入大埔獻花，便到屋企附近一間花店買了8支白玫瑰，老細「用手畀咗個五我」，本以為是500元，這時老細才說「$50啊」，樓主明白「雖然老細用最惡嘅語氣，但講緊最溫柔嘅說話」。
該名網民在社交平台threads發文表示，周一想到大埔獻花，自己是由港島買入去，便在屋企附近買花，由天后行入大坑一條巷仔入面的一間花店。樓主問老細有沒有白花，老細指店內其他白花已賣光，只剩下白玫瑰。
樓主決定買8支白玫瑰，老細無出聲默默修剪及包好白玫瑰。當被問價錢時，老細依然無出聲，「行咗過嚟用手畀咗個五我」，本以為意思是500元，「其實都無諗咁多即刻喺銀包攞張$500」。結果老細表示「$50啊！如果$500你以後唔好再嚟幫襯」。樓主深知8朵白玫瑰一定唔止50元，頓時明白「雖然老細用最惡嘅語氣，但講緊最溫柔嘅說話」、「香港人就係咁，一路x一路幫，一路x一路做」。
帖文引起網民熱議，大讚老細「鐵漢柔情」，「咁平，佢真係蝕俾你，好好人」、「正確同善良，老闆選擇左善良」、「香港人外冷內熱，表面西，邊界感強，但其實入面好熱血 」、「香港人今次最出色係無因為無花而想炒貴個價 」。
有網民則笑稱老細用手比五，「我以為佢只係要個high five，Sor」、「我以為係give me 5」。樓主回覆亦指，「我都以為係，我都load咗陣」。
收藏
取消收藏
分享
