【點新聞報道】大浦宏福苑發生五級火警，全城哀悼，有網民近日在社交平台發文感嘆：「一場大火，燒走咗我對名利同工作嘅執着。」指過去執着於追逐名利，現在才領悟到這些皆為身外之物，不如好好珍惜身邊人「我想追求嘅，唔再係身外物，而係實實在在嘅幸福感」。
樓主在文內寫道，剛畢業時眼光很窄，成日與身邊人進行比較，總是關注誰去了大公司，誰上了名校「以為人生就係要不斷追逐，一定要達到某個高度。」她透露自己曾是理科教師，後來轉行成為數據分析師後，覺得以前太辛苦，而這場火令自己徹底覺醒。
樓主說，災難發生後，她開始反思「燃燒青春去換一份糧，值得嗎？為了加班費，錯過同老公hea喺屋企的平凡日子，值得嗎？原來人生唔係一定要搵大錢，夠使就得。公司所謂嘅任務、成就係咪真係咁重要？究竟係我想追求？定係公司想我追求？我發現，我想追求嘅，唔再係身外物，而係實實在在嘅幸福感」。
帖文引起許多網民共鳴「好多人努力賺錢就係為咗生活開心 但都慢慢唔記得咗咩叫開心」、「一樣想法，今年9月剛離職，收入無了，但每天享受生活，做了好多過去無時間做嘅事，無返工，有時間幫助身邊需要幫助的人，經過今次火災更覺人生無常，活在當下，不想只為工作而活！」、「健康同自由最寶貴，及時行樂，唔好儲埋大堆錢工作OT到唔得閒去玩咁笨」。
收藏
取消收藏
分享
