【點新聞報道】正所謂人離鄉賤，眾所周知在外國看醫生真是難上加難，近日有一名移民英國的港媽發文大呻，雖然英國GP（社區醫生）是免費，但最近終於領教到有幾咁難約。港媽指女子肚痛，於是一早上GP網站預約即日睇醫生，點知得不到回應，惟有帶着不適的女兒四圍搵醫生，奔波勞碌大半日，結果GP下午三點才回覆。港媽不禁大嘆「作為家長，真係頻撲又無助」，直言感到身心俱疲。
英國醫療人手不足、排隊時間長等問題，令移英港人在獲取醫療服務上面對很大困難。一名移英港媽日前在社交平台threads發文表示，作為移英家長，好想分享下「免費醫療」背後嘅代價，直指「免費，係真嘅。但作為家長，真係頻撲又無助」。
移英港媽憶述，因為女兒肚痛，所以一大早便上GP網站進行預約，但就得不到回應，「話說個女肚痛咗兩日，我哋間 GP 改咗制度唔可以打電話約appointment，於是我7:59分就校好鬧鐘，準時8:00上GP網站填form想book即日appointment，點知填完就冇下文，等咗成個朝早都冇人聯絡」。
眼見女兒肚子越來越痛，移英港媽經朋友介紹前往利物浦一間兒童醫院，點知卻經歷一波三折，「去到已經10點，醫護畀吃止痛藥佢頂住先，但要等兩個鐘先見到醫生。等嘅過程佢痛到喊，止痛藥又有乜用。終於見到醫生，話應該只係便秘，畀咗藥方叫我返屋企附近藥房攞藥。於是我揸咗45分鐘去藥房，結果職員話冇收到藥方」。
移英港媽形容當刻心情，「真係又攰又無奈」，而更誇張的是「呢個時候GP終於打嚟話有個下午三點嘅位，我已經睇完醫生啦」。
最後，移英港媽幾經輾轉才拿到藥，「藥房問我攞NHS Number查返，先發現佢哋冇嗰隻藥，又要去第二間。輾轉幾間藥房先終於攞到。個女仲係好痛，但我已經身心俱疲。」
收藏
取消收藏
分享
