【點新聞報道】上周三（26日）在大埔宏福苑發生的五級大火，至今已釀成128人死亡，83人受傷及150人下落不明。在香港經歷創痛之際，楊千嬅《Live MY LIVE 2025》演唱會在肅穆而溫馨的氛圍中拉開一連六場的序幕，這場原定歡慶出道30周年的盛會，轉化為一場療癒心靈的集體陪伴。
演唱會前，千嬅及團隊率先捐出200萬港元幫助受影響災民，連日來的周邊產品，全數收益也會捐贈。昨晚頭場演唱會，千嬅一口氣唱了25首歌，唱完主題曲《Live MY LIVE》才跟觀眾打招呼。千嬅未語先哽咽。「我返嚟啦，我好掛住你哋，嘩，好耐冇講啦，山頂嘅朋友！大家好！好多謝今晚每一位特別觀眾，嘩，我要冷靜點先……」她深呼吸繼續說道：「開騷前諗咗好多嘢，心情好複雜但又好期待，諗緊我好多嘢想講，但當我走上舞台，我先發現……咩都唔駛講，要講、要表達嘅全部喺曬我音樂歌詞裏面。」
千嬅語帶哽咽：「我哋依家經歷一個黑暗時期，我相信『陪伴』，可以互相守護大家的心。心靈創傷，要支持及時間修復。『陪伴』可以比你好多愛，希望每一位朋友，可以一齊團結，用無私嘅愛，無分你我、不分高低、冇分愛恨。我相信『陪伴』，香港可以互相撐住渡過最艱難時候。」
千嬅謂，她領悟「陪伴」的重大意義：「『陪伴』正正係在坐每一位都好需要。人生流長，總會有黑暗及唔開心，喺好大創傷時候，我地最需要係『陪伴』。」「當你好痛苦，我都試過，係無法控制自己睇開啲放低，係放唔到嘅。好痛苦好傷心時，係聽唔到任何說話。但有人默默坐係身邊，有人『陪伴』，就已經係心靈重建第一步。」
千嬅又分享了她對人生的新理解，「感謝大家喺我呢30年音樂人生一路陪伴我……」觀眾大叫「唔好喊」。千嬅強忍淚水：「我今日好叻㗎啦，好想講只有兩個字「感恩」！好感謝你哋，好感謝我過去嘅日子，感謝每一位愛我的人，我家人……人真係要學識感恩。活到半百，我用咗歌手身份、音樂，呢個方法去認識自己、領悟人生。30年後今日，我終於領悟到，我要回饋我領悟嘅，俾所有支持我、愛我嘅人。」
繼而千嬅一連串安歌，唱了六首經典歌，現場觀眾全部與她一起大合唱，場面溫馨感人，最後她以《楊千嬅》一曲作結，含淚道出最深切的感謝：「多謝你哋咁多年比咗陪伴我。等我見到光，我可以行返嚟。每次唱演唱會，我都當係最後一次。總之，我想做好所有嘢，回饋支持我嘅人，好感恩。」
（點新聞特約記者陳惠芳報道）
相關閱讀：
（有片）宏福苑五級火｜市民齊聚大埔獻花弔唁 排隊人龍長逾千米
收藏
取消收藏
分享
