【點新聞報道】近日就有外賣「步兵」在社交平台自爆偷食客人的餐點，揚言要「驗吓啲嘢飲有冇毒先」、「咪Ｘ再催，再催我嘅話再食」，引發一眾網民震怒。
有網民在社交平台threads發文，並上載影片及截圖，奉勸消費者收取外賣時必須檢查餐點是否完整，「收嘅時候，一定要睇清楚個外賣有冇異樣先好收，可能畀人飲過又或者偷食咗裏面啲嘢。」從樓主上載的截圖及片段中，看到一名身穿白色長袖上衣的「步兵」，在商場當眾打開客人的飲品，驗吓啲嘢飲有冇毒先」，直接喝了一啖後用手將杯蓋抹乾淨，然後放回外賣袋。而另一張截圖則為該外賣員偷吃薯條，配上「人哋啲外賣特別好食，懲罰來的，條友遲咗少少係咁喺度打電話吹（催）」、「咪Ｘ再催，再催我嘅話再食」的字句。
樓主提醒，該「步兵」當時送遞的外賣路線分別是由德福廣場送飲品往啟業邨，以及從牛頭角定業街送餐往牛頭角上邨，「望望睇下有冇朋友中咗招，你哋飲緊嗰杯係二手飲品，同埋食緊人哋個二手餐」。
樓主形容該「步兵」的行為是「反社會人格」，質疑對方是慣犯，「條友擺明係慣犯，真係好X嘔心，嗰啲外賣仔冇心做，就咪X做啦」。帖文引起網民熱議，「咁樣搞法，短期內都唔會叫外賣出街食算，真係好X恐怖 」、「點解宜家啲人咁鍾意，將自己嘅犯罪證據影上網 」、「「不知所謂，冇道德」。
該「步兵」在社交平台發文稱「做咗一個鐘已經$98，時薪×打晒大學畢業學歷嗰啲垃圾工」，並透露當日共接了五張外送單，收入為136.94元。他最後自揭揭已因為多次違規，被外賣平台終止合作協議。
涉事外賣平台Keeta回應傳媒查詢時表示，非常關注流傳有送遞員在配送訂單過程中出現嚴重不當行為，稱已即時跟進及處理，「經內部查證後，Keeta已終止涉事送遞員的服務協議。Keeta相當重視食品安全及用戶體驗，一眾送遞員一直提供專業、高效的配送服務，我們不願個別事件為整體送遞員形象帶來負面影響。如發現送遞員自行拆開餐品包裝再交予顧客，一經查證，因應事件嚴重程度，Keeta將採取嚴厲措施，包括終止其服務協議，送遞員亦有機會承擔相應的法律責任。」
收藏
取消收藏
分享
