【點新聞報道】林峯近日正式展開為期一個月的《Go With The Flow》世界巡迴演唱會，首站於馬來西亞結束後，隨即飛抵加拿大溫哥華。演唱會現場氣氛高漲，林峯更走下舞台與觀眾近距離互動，握手、合影，現場融為一片歡樂海洋。
林峯這場演出吸引多位圈中好友到場支持，其中包括定居西雅圖多年的資深演員恬妞。兩人曾於2011年合作電影《翡翠明珠》，片中飾演母子，另外亦合作過電視劇《星辰大海》。恬妞特意飛赴溫哥華支持打氣，完騷後更相約聚餐。另還有前港姐袁彩雲與前輩黃淑儀。林峯又驚喜宣布將於2026年2月8日及9日登陸澳洲舉行兩場演唱會，同年亦會到重慶與澳門演出。巡演期間因林峯12月8日生日，團隊提前與同月生日的同事們共同慶祝，現場準備十餘個蛋糕，場面熱鬧誇張。
隨後隊伍轉戰多倫多，林峯首次目睹尼亞加拉大瀑布的壯麗景觀，緊接飛赴美國完成四場演出。儘管時差未調整，團隊仍抓緊休息，並在美國度過感恩節，接下來將前往英國繼續行程。林峯表示巡唱由馬來西亞至溫哥華，再多倫多，三地時差都不同，「真係冇咁快調到時差，所以最初都有啲壓力，擔心瞓唔夠唔夠體力唱。訓得個兩三個鐘點算，但真係好多謝觀眾嘅熱情，一出場佢地就已經瘋狂過我，比左好多動力我，成個人醒晒！哈哈。好耐冇試過咁近距離接觸觀眾，見到佢地開心，我都好開心。另外就係見到好耐冇見嘅好朋友恬妞姐啦，見到「阿媽」，有一種好似自己返左屋企咁溫暖。」
巡唱期間，林峯即將於美國度過感恩節，11月28日黑色星期五時則在拉斯維加斯。他說：「我第一次遇上Black Friday呀！聽講喺聖誕節前年度大減價，等大家可以買到最好最平嘅聖誕禮物，但我都唔知有冇時間出去襯下熱鬧。我最想買誕禮物比個囡，我自己買唔買都冇所謂嘅。其實都好難出去同人搶，我去到英國先再買都可以嘅。」
（點新聞特約記者陳惠芳報道）
收藏
取消收藏
分享
