【點新聞報道】網上近日瘋傳一段的士車cam片，顯示今年初，有外籍男子在街上截的士，提出180元前往東涌，被司機斷然拒絕，最終敗走。不少網民批評「搞爛個市」、「當咗泰國搭篤篤咩」。
有網民於fb群組「的士司機資訊網 Taxi」分享一段車cam影片，顯示事發於今年1月23日，片中1名外籍男子上車表示要前往東涌，問司機「how much？（多少錢？）」，司機回答「by meter（按錶收費）」，外籍男拒絕，並開價180元，司機斷然回絕。
外籍男「加碼」說給190元，司機則不斷重複說「no...no...no...by meter」，堅持要按錶收費，最後外籍男惟有下車離開。之後，司機邊開車駛走邊罵道：「你黐線㗎，你老X喺條街到截話180（蚊）去東涌」。
帖文引起網民熱議，有人批評該外籍乘客「搞爛個市」、「當咗泰國搭篤篤咩」、「冇錢死去搭地鐵或者巴士啦」、「去到東涌摷勻全身得張100蚊紙」。有人讚司機企硬，「師兄好波！」、「即刻地板黐背車佢去差館」、「先上車照起錶，到咗唔畀錢報警」。
有的士同業留言分享類似經驗，「呢條友遇過，即刻叫佢落車Byebye」、「啱啱荃新天地又遇到另外一個南亞裔話去迪士尼 150蚊得唔得」。
另有網民不應放上網公審，「佢又唔係態度惡劣，明白的確係好勞氣，但係都唔使po人個樣上網㗎」、「人家又沒有不畀錢，只是問司機，個X街司機又放人上網？問下司機都有罪？」、「揸的士嘅大哥嘗試攞啲素質出嚟-即係包容同禮貌呀！態度好少少收歛吓啲脾氣-提升業界質素」。
收藏
取消收藏
分享
